«Ռադիոթրեյսերների, փակ աղբյուրների և նուկլեոնային կառավարման համակարգերի արդյունաբերական և հետազոտական կիրառությունների կարգավորող ասպեկտների վերաբերյալ» թեմայով տարածաշրջանային աշխատաժողով Երևանում

Ատոմային էներգիայի միջազգային գործակալության (ԱԷՄԳ) տեխնիկական համագործակցության (ՏՀ)՝ ME-RER1023 ծրագրի շրջանակներում  2025 թվականի հոկտեմբերի 7-ից 9-ը Երևանում անցկացվեց տարածաշրջանային աշխատաժողով «Ռադիոթրեյսերների, փակ աղբյուրների և նուկլեոնային կառավարման համակարգերի արդյունաբերական և հետազոտական կիրառությունների կարգավորող ասպեկտների վերաբերյալ» (Regional Workshop on Regulatory Aspects of Industrial and Research Applications of Radiotracers, Sealed Sources and Nucleonic Control Systems) խորագրով։

Աշխատաժողովին մասնակցում էին ME-RER 1023 ծրագրում ներգրավված ԱԷՄԳ-ի անդամ պետությունները՝ Հայաստան, Խորվաթիա, Էստոնիա, Վրաստան, Հունաստան, Լիտվա, Լեհաստան, Ռուսաստանի Դաշնություն, Սլովակիա, Սլովենիա, Տաջիկստան, Թուրքիա, և Ուզբեկստան։

Աշխատաժողովի նպատակը ռադիոթրեյսերների, փակ աղբյուրների և նուկլեոնային կառավարման համակարգերի արդյունաբերական և հետազոտական կիրառությունների ընթացքում կարգավորող պահանջների վերաբերյալ քննարկումներն ու փորձի փոխանակումն էր։