ARMENIAN NUCLEAR REGULATORY AUTHORITY
Հայկական ԱԷԿ-ի երկրորդ էներգաբլոկի շահագործման ժամկետի երկարացման նախագծի նախնական արդյունքների քննարկում հայ-ռուսական համատեղ համակարգող հանձնաժողովի 3-րդ նիստի արդյունքների մասին
05Aug’25
Օգոստոսի 1-ին Մոսկվայում տեղի ունեցավ Հայկական ԱԷԿ-ի երկրորդ էներգաբլոկի շահագործման ժամկետի կրկնակի երկարացման նախագծի համատեղ համակարգող հանձնաժողովի (ՀՀՀ) 3-րդ նիստը։
ՀՀ պատվիրակությունը գլխավորում էր ՀՀ տարածքային կառավարման և ենթակառուցվածքների փոխնախարար Արմեն Սիմոնյանը, Ռուսաստանյան պատվիրակությունը՝ «Ռոսատոմ» պետական կորպորացիայի միջազգային գործունեության բլոկի գլխավոր տնօրենի տեղակալ Նիկոլայ Սպասսկին։ Միջոցառմանը ներկա էին նաև ՀՀ միջուկային անվտանգության կարգավորման կոմիտեի նախագահի պարտականությունները կատարող Խաչատուր Խաչիկյանը, «ՀԱԷԿ» ՓԲԸ-ի գլխավոր տնօրեն Էդուարդ Մարտիրոսյանը, «Ռոստեխնադզոր»-ի ղեկավարի տեղակալ Ալեքսեյ Ֆերապոնտովը, «Ռոսատոմ Սերվիս» ԲԲԸ-ի գլխավոր տնօրեն Եվգենի Սալկովը և ոլորտային կազմակերպությունների ներկայացուցիչներ։
Միջոցառման մասնակիցները քննարկել են հայ և ռուս մասնագետների կողմից կատարված աշխատանքի արդյունքները, ինչպես նաև Հայկական ԱԷԿ-ի երկրորդ էներգաբլոկի անվտանգության մակարդակի բարձրացմանն ուղղված հետագա քայլերը։ ՀՀՀ-ի 3-րդ նիստի ընթացքում կողմերը նշել են, որ համատեղ ջանքերի ներդրման շնորհիվ ապահովվում է Հայկական ԱԷԿ-ի երկրորդ էներգաբլոկի արդիականացման և շահագործման ժամկետի երկարացման ծրագրի ընթացիկ աշխատանքների իրականացումը՝ համաձայն շրջանակային պայմանագրով հաստատված ժամանակացույցի։ Կողմերը քննարկել են ընթացիկ աշխատանքները, ինչպես նաև նախագծի 2026 թվականի ընթացքում նախատեսված աշխատանքները և համագործակցության հեռանկարային ոլորտներն ու խնդիրները։