ՀՀ միջուկային անվտանգության կարգավորման կոմիտե
Սեյսմիկ պաշտպանության տարածքային ծառայությունում անցկացվեց Միջուկային Փորձարկումների Համապարփակ Արգելման Պայմանագրի Կազմակերպության (CTBTO) Ազգային տվյալների կենտրոնների տարածաշրջանային աշխատաժողովը
10Օգս’26
Ս․ թ․ օգոստոսի 3-7-ը ՆԳՆ Սեյսմիկ պաշտպանության տարածքային ծառայությունում (ՍՊՏԾ) անցկացվեց Միջուկային փորձարկումների համապարփակ արգելման պայմանագրի կազմակերպության (ՄՓՀԱՊԿ)՝ Արևելյան Եվրոպայի երկրների Ազգային տվյալների կենտրոնների համար նախատեսված տարածաշրջանային հնգօրյա աշխատաժողովը, որին մասնակցում էին տարբեր երկրների ոլորտային ներկայացուցիչներ, միջազգային փորձագետներ և հյուրեր։
Բացման խոսքում ՀՀ ՆԳ նախարար Արփինե Սարգսյանը ՀՀ Կառավարության անունից շնորհակալություն է հայտնել ՄՓՀԱՊԿ-ին՝ աշխատաժողովը Հայաստանում անցկացնելու համար։ Նա ընդգծել է, որ նման բարձր ներկայացուցչական կազմը փաստում է միջուկային փորձարկումների արգելման և մշտադիտարկման ոլորտում համատեղ աշխատանքի ու գիտական փորձի փոխանակման հանձնառության մասին։
Միջոցառմանը մասնակցում էին նաև Միջուկային անվտանգության կարգավորման կոմիտեի նախագահի պարտականությունները կատարող Խաչատուր Խաչիկյանը և Միջուկային անվտանգության վարչության Սեյսմիկ անվտանգության գլխավոր պետական տեսուչ Խաչատուր Կիրակոսյանը։
Միջազգային մշտադիտարկման համակարգում ՀՀ ՍՊՏԾ ներդրումը և Հայաստանի ակտիվ ներգրավվածությունը վկայում են միջուկային չտարածման և անվտանգության ապահովման միջազգային մեխանիզմներում պատրաստակամ դերակատարում ունենալու մասին։
Լուսանկարները՝ ՆԳՆ պաշտոնական էջից։
