ՀՀ միջուկային անվտանգության կարգավորման կոմիտե
ԱԷՄԳ-ի «Ցածր և միջին ակտիվության ռադիոակտիվ թափոնների բնութագրման մեթոդակարգերի և ենթակառուցվածքների ստեղծումը» խորագրով տարածաշրջանային աշխատանքային հանդիպումը Երևանում, 2022թ․ սեպտեմբերի 12-ից 16-ը
16Սպտ’22
2022 թվականի սեպտեմբերի 12-ից 16-ը ՀՀ միջուկային անվտանգության կարգավորման կոմիտեն Երևանում հյուրընկալել է Ատոմային էներգիայի միջազգային գործակալության (ԱԷՄԳ) «Ցածր և միջին ակտիվության ռադիոակտիվ թափոնների բնութագրման մեթոդակարգերի և ենթակառուցվածքների ստեղծումը» խորագրով տարածաշրջանային աշխատանքային հանդիպումը։
Աշխատանքային հանդիպումը անցկացվել է ԱԷՄԳ-ի տեխնիկական համագործակցության RER/9/154 «Ռադիոակտիվ թափոնների անվտանգ կառավարման ինտեգրված ծրագրերի իրականացման ընդլայնումը» ծրագրի շրջանակներում։ Հանդիպման պատակն էր քննարկել ռադիոակտիվ թափոնների բնութագրման մեթոդակարգերը՝ հաշվի առնելով թափոնների ծագումը, տարբեր հոսքերը, համապատասխան լաբորատորիաների կարիքները, ինչպես նաև՝ առկա վերլուծական տեխնոլոգիաները և ընթացակարգերը։
Հանդիպմանը մասնակցում էին ԱԷՄԳ-ի RER/9/154 ծրագրի տեխնիկական ղեկավարը, փորձագետներ Հունգարիայից, Ֆրանսիայից, ինչպես նաև ռադիոակտիվ թափոնների կառավարման գծով մասնագետներ Ալբանիայից, Հայաստանից, Բելառուսից, Խորվաթիայից, Չեխիայից, Էստոնիայից, Վրաաստանից, Հունաստանից, Ղազախստանից, Ղրղզստանից, Լատվիայից, Լիտվայից, Մոնտենեգրոյից, Հյուսիսային Մակեդոնիայից, Պորտուգալիայից, Մոլդովայի Հանրապետությունից, Ռումինիայից, Ռուսաստանի Դաշնությունից, Սլովենիայից, Տաջիկստանից, Ուկրաինայից:
Աշխատանքային հանդիպման ընթացքում ԱԷՄԳ-ի ներկայացուցիչը և միջազգային փորձագետները ներկայացրեցին ռադիոակտիվ թափոնների բնութագրման հետ կապված ԱԷՄԳ-ի անվտանգության ստանդարտները, մեթոդակարգերը, իսկ մասնակիցները ներկայացրին ազգային զեկույցներ իրենց երկրներում առկա փորձի մասին, որոնց հաջորդեցին ինտերակտիվ քննարկումներ: