2010 թվականի փետրվարի 1-ից 5-ը Ատոմային էնենգիայի միջազգային գործակալության (ԱԷՄԳ), ՀՀ ԿԱ միջուկային անվտանգության կարգավորման պետական կոմիտեի ու միջուկային եւ ռադիացիոն անվտանգության կենտրոնի հետ համատեղ` ԱԷՄԳ-ի RER9095 տարածաշրջանային ծրագրի շրջանակներում Երեւանում անցկացվեց «ԱԷԿ-ների ծանր վթարների վերլուծությունը եւ վթարների կառավարումը» թեմայով աշխատանքային հանդիպում: Հանդիպմանը մասնակցում էին Բուլղարիայի, Լիտվայի, Ռումինիայի, Հունգարիայի, Սլովենիայի, Սլովակիայի, Լեհաստանի, Խորվաթիայի, Թուրքիայի, ՌուսաստանիԴաշնության, Ուկրաինայի ու Հայաստանի տեխնիկական աջակցություն ցուցաբերող կազմակերպությունների, կարգավորող մարմինների ու շահագործող կազմակերպությունների ներկայացուցիչները, որոնք զբաղվում են ծանր վթարների վերլուծությամբ կամ իրականացնում են վթարների վերլուծության ու վթարների կառավարման ծրագրերի դիտարկում որպես կարգավորող մարմին: Աշխատանքային հանդիպման նպատակնէր՝ ծանր վթարների վերլուծության համար կիրառվող համակարգչային ծրագրերի, վթարների կառավարման ծրագրերի մշակման հետ կապված փորձի ու տեղեկատվության փոխանակումը: ԱԷՄԳ-ի փորձագետները իրենց զեկույցներում ներկայացրեցին վթարների կառավարման նկատմամբԱԷՄԳ-ի կողմից սահմանված պահանջները, ինչպես նաեւ ներկայացրեցին տեղեկատվություն վթարների կառավարման ծրագրի մշակմանը նթացակարգի, վթարների վերլուծության համար կիրառվող համակարգչային ծրագրերի առանձնահատկությունների վերաբերյալ: Բացի այդ, հանդիպմանը մասնակցող ԱԷՄԳ-ի անդամ պետությունների ներկայացուցիչները հանդես եկան զեկույցներով` իրենց պետություններում առկա փորձի վերաբերյալ:
