Միջուկային անվտանգության սպառնալիքների գնահատման և նախագծային սպառնալիքի (DBT) կառավարման թեմայով աշխատաժողով

Միջուկային անվտանգության կարգավորման կոմիտեի և ԱՄՆ էներգետիկայի դեպարտամենտի Միջուկային անվտանգության ազգային վարչության համագործակցության շրջանակում, Միջուկային և ռադիացիոն անվտանգության կենտրոնի և Սանդիայի ազգային լաբորատորիայի տեխնիկական աջակցությամբ ս․թ․ հուլիսի 14-18-ը Երևանում անցկացվեց Միջուկային անվտանգության սպառնալիքների գնահատման և նախագծային սպառնալիքի (DBT) կառավարման թեմայով աշխատաժողով։

Աշխատաժողովին մասնակցեցին ՀՀ վարչապետի 2022 թվականի մարտի 31-ի N329-Ա որոշման հավելվածով հաստատված միջուկային նյութերի և միջուկային տեղակայանքների ֆիզիկական պաշտպանության նախագծային սպառնալիքի նախագծի մշակման միջգերատեսչական հանձնաժողովի անդամները։

Աշխատաժողովը բաղկացած էր երկու մասից՝

• 1. Տեսական – զեկույցների ներկայացում,
• 2. Գործնական – վարժությունների իրականացում և խմբային քննարկումներ։

Զեկույցներից հետո տեղի ունեցավ միջուկային անվտանգության սպառնալիքի գնահատման միջնորդավորված քննարկում և DBT համար պատասխանատու կառույցների դերերի ու պարտականությունների հստակեցում։ Հետագա քննարկումները անցկացվեցին լսարանային վարժանքների տեսքով։ Քննարկվեցին նաև արտանախագծային սպառնալիքները և ինտեգրված հակազդման հայեցակարգը։

Աշխատաժողովի հիմնական նպատակն էր բարձրացնել միջուկային անվտանգության սպառնալիքների գնահատման և DBT կառավարման կարողությունները, ապահովել միջգերատեսչական համագործակցության արդյունավետություն և ամրապնդել ՀՀ-ի կարողությունները միջուկային նյութերի և տեղակայանքների ֆիզիկական պաշտպանության ոլորտում։

Աշխատաժողովը բաղկացած էր երկու մասից՝Զեկույցներից հետո տեղի ունեցավ միջուկային անվտանգության սպառնալիքի գնահատման միջնորդավորված քննարկում և DBT համար պատասխանատու կառույցների դերերի ու պարտականությունների հստակեցում։ Հետագա քննարկումները անցկացվեցին լսարանային վարժանքների տեսքով։ Քննարկվեցին նաև արտանախագծային սպառնալիքները և ինտեգրված հակազդման հայեցակարգը։

Հանդիպման ավարտին մասնակիցներին հանձնվեցին աշխատաժողովին մասնակցության մասին հավաստագրեր։

Աշխատաժողովը կարևոր քայլ էր ՀՀ միջուկային անվտանգության համակարգի զարգացման և միջազգային գործընկերների հետ համագործակցության խորացման ուղղությամբ։ Ստացված գիտելիքները և փորձը կնպաստեն միջուկային տեղակայանքների նախագծային սպառնալիքների որոշման, կանխարգելման և արդյունավետ հակազդման մեխանիզմների ձևավորմանը։