ՀՀ միջուկային անվտանգության կարգավորման կոմիտեի և Շվեդիայի ճառագայթային անվտանգության մարմնի միջև երկկողմ հանդիպում՝ ուղղված կարգավորող համագործակցության ամրապնդմանը

Սույն թվականի մայիսի 19-20-ը ՀՀ միջուկային անվտանգության կարգավորման կոմիտեն հյուրընկալեց Շվեդիայի ճառագայթային անվտանգության մարմնի (Swedish Radiation Safety Authority (SSM)) ներկայացուցիչներին: Հանդիպումը նպատակ ուներ ամփոփել համատեղ ծրագրերի ընթացքն ու քննարկել կարգավորող ոլորտում հետագա համագործակցության հեռանկարները:

Հանդիպումը կարևոր հարթակ էր երկու երկրների կարգավորող մարմինների համար՝ փորձի փոխանակման, ընթացիկ ծրագրերի գնահատման և միջուկային ու ճառագայթային անվտանգության ենթակառուցվածքների բարելավմանն ուղղված ռազմավարությունների համադրման համար:

Հանդիպման օրակարգային թեմաներն էին՝

• — Ռադիոակտիվ թափոնների կառավարման և կարգավորման խնդիրները Հայաստանում, դրանց բարելավմանն ուղղված քայլերը, միջազգային լավագույն փորձի կիրառումը,
• — Միջուկային անվտանգության կարգավորման կոմիտեի որակի կառավարման համակարգի (QMS) բարելավում և Ինտեգրված     կառավարման համակարգի (IMS) ներդրում՝ որպես ներքին կարգավորող գործընթացների կատարելագործման և կազմակերպչական արդյունավետության բարձրացմանն ուղղված հիմնաքար,
• — Հաղորդակցության ունակությունների և գործիքակազմերի բարելավմանն ուղղված համագործակցության ընդլայնում՝ ուշադրության կենտրոնում պահելով հանրային (թափանցիկ) հաղորդակցությունն ու շահագրգիռ կողմերի ներգրավվածությունը։

Ամփոփվեցին մինչ այս պահը կատարված աշխատանքները և նախանշվեցին հետագա համագործակցության ամրապնդմանն ուղղված քայլերը։