Հանրապետության օրվա կապակցությամբ ՀՀ Միջուկային անվտանգության կարգավորման կոմիտեի նախագահի տեղակալ Վահե Գրիգորյանը պարգևատրվել է Անանիա Շիրակացու մեդալով

Հանրապետության տոնի առթիվ, հայրենիքին մատուցած անվերապահ ծառայության, ինչպես նաև միջուկային ու ճառագայթային անվտանգության բնագավառում ներդրած նշանակալի ավանդի համար՝ ՀՀ Միջուկային անվտանգության կարգավորման կոմիտեի նախագահի տեղակալ Վահե Գրիգորյանը պարգևատրվել է Անանիա Շիրակացու մեդալով: Բարձրագույն պետական պարգևը Վահե Գրիգորյանին է հանձնել Հայաստանի Հանրապետության նախագահ Վահագն Խաչատուրյանը:

Անանիա Շիրակացու մեդալը շնորհվում է տնտեսության, ճարտարագիտության, ճարտարապետության, գիտության ու տեխնիկայի բնագավառներում նշանակալի գործունեության, գյուտերի և հայտնագործությունների համար:

Կոմիտեի ողջ անձնակազմը սրտանց շնորհավորում է Վահե Գրիգորյանին այս արժանապատիվ և բարձր գնահատականի կապակցությամբ՝ մաղթելով նորանոր ձեռքբերումներ ու հաջողություններ պատասխանատու աշխատանքում ի նպաստ մեր պետության անվտանգության և առաջընթացի։