Իոնացնող ճառագայթման աղբյուրների վերահսկման համար կիրառվում են հետևյալ հիմնական միջոցառումները․

• կարգավորող իրավական համակարգի ստեղծում և արդիականացում՝ համաձայն միջազգային առաջատար պրակտիկայի,
• աղբյուրների պետական գրանցում,
• աղբյուրների հետ իրականացվող գործունեության լիցենզավորում,
• աղբյուրների հետ աշխատանքներ կատարող անձանց լիցենզավորում,
• տրված լիցենզիայի պայմանների և անվտանգությանն ու պաշտպանությանը վերաբերող պահանջների կատարման պարբերական վերահսկողություն (տեսչական ստուգումներ):

Աշխատակազմի և բնակչության ճառագայթային անվտանգությունը և պաշտպանությունը ապահովելու համար իրավաբանական և ֆիզիկական անձիք պետք է իրականացնեն հետևյալ հիմնական միջոցառումները․

• իրենց գործունեությանը վերաբերող ճառագայթային անվտանգության և պաշտպանության բնագավառի իրավական փաստաթղթերի ծանոթացում,
• ճառագայթման աղբյուրների հետ աշխատանքներ իրականացնող անձանց պարբերաբար վերապատրաստում և գիտելիքների արդիականացում՝ ճառագայթային անվտանգության և պաշտպանության բնագավառին առընչվող հարցերի շուրջ,
• տրված լիցենզիայի պայմանների և պահանջների կատարում,
• անձնակազմի և աշխատատեղերի ճառագայթային մոնիտորինգի պարբերաբար իրականացում,
• անձնակազմին անհրաժեշտ հատուկ պաշտպանական միջոցների ապահովում:

ԱՅՈ։ «Ճառագայթային անվտանգության նորմերը» հաստատելու մասին ՀՀ կառավարության 1219-Ն առ 18․08․2006թ․ որոշման 15-րդ և 32-րդ հոդվածներով սահմանված են ճառագայթահարման դոզաների «լիմիտներ» թե աղբյուրների հետ աշխատանքների իրականացնող անձանց և թե այլ անձանց համար։

https://www.arlis.am/DocumentView.aspx?DocID=95802