ՀՀ միջուկային անվտանգության կարգավորման կոմիտե
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱՐԳ
ՀՀ ՄԻՋՈՒԿԱՅԻՆ ԱՆՎՏԱՆԳՈՒԹՅԱՆ ԿԱՐԳԱՎՈՐՄԱՆ ԿՈՄԻՏԵՈՒՄ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱԶՄԱԿԵՐՊՄԱՆ ԸՆԹԱՑԱԿԱՐԳ
- 1․ Սույն ընթացակարգով սահմանվում են Հայաստանի Հանրապետության միջուկային անվտանգության կարգավորման կոմիտեում (այսուհետ` կոմիտե) քաղաքացիների ընդունելության կազմակերպման հետ կապված հարաբերությունները:
2․ Կոմիտեում քաղաքացիների ընդունելությունն իրականացնում են կոմիտեի նախագահը, կոմիտեի նախագահի առաջին տեղակալը, կոմիտեի նախագահի տեղակալը, կոմիտեի գլխավոր քարտուղարը և կառուցվածքային ստորաբաժանումների ղեկավարները։ - 3․ Կոմիտեում քաղաքացիների ընդունելությունը կազմակերպվում է.
- 1) կոմիտեի նախագահի մոտ` յուրաքանչյուր ամսվա առաջին ուրբաթ օրը՝ ժամը 14։00-ից մինչև 16։00-ն
- 2) կոմիտեի նախագահի առաջին տեղակալի մոտ` յուրաքանչյուր ամսվա առաջին և վերջին ուրբաթ օրը՝ ժամը 15։00-ից մինչև 17։00-ն
- 3) կոմիտեի նախագահի տեղակալի մոտ` յուրաքանչյուր ամսվա առաջին և վերջին երեքշաբթի օրը՝ ժամը 15։00-ից մինչև 17։00-ն
- 4) գլխավոր քարտուղարի մոտ` յուրաքանչյուր չորեքշաբթի օրը՝ ժամը 10։00-ից մինչև 12։00-ն
- 5) կառուցվածքային ստորաբաժանումների ղեկավարների մոտ` յուրաքանչյուր երեքշաբթի և հինգշաբթի օրերին՝ ժամը 15։00-ից մինչև 17։00-ն։
- 3․ Քաղաքացիների ընդունելության համար նախնական գրանցումն իրականացնում է կոմիտեի միջուկային տեղեկատվության և միջազգային համագործակցության բաժինը (այսուհետ բաժին)` գրանցամատյանում նշելով ընդունելության ամսաթիվը, քաղաքացու անունը, ազգանունը, հասցեն, հեռախոսահամարը, խնդրո առարկայի համառոտ բովանդակությունը, ով է անցկացրել ընդունելությունը, նշումներ ընդունելության մասին:
- 5․ Քաղաքացիները գրանցվելու համար ներկայացնում են անձը հաստատող փաստաթուղթ, հակիրճ ներկայացնում են ընդունելություն նպատակը:
- 6․ Կոմիտեի նախագահի մոտ քաղաքացիների ընդունելության նախնական գրանցումը դադարեցվում է յուրաքանչյուր ընդունելությունից 5 աշխատանքային օր առաջ: Նշված ժամկետից հետո գրանցված քաղաքացիների հայտերը ներառվում են հաջորդ ամսվա ընդունելության ցուցակում:
- 7․ Կոմիտեի նախագահի մոտ քաղաքացիների ընդունելության հետ կապված` բաժինը․
- 1) ընդունելությունից 2 օր առաջ կոմիտեի նախագահին է ներկայացնում ընդունելություն հայցող քաղաքացիների ցուցակը;
- 2) յուրաքանչյուր քաղաքացու համար կազմվում է տեղեկանք, որն անմիջապես ներկայացվում է ստորաբաժանումների ղեկավարներին` տեղեկանքում նշված փաստերի և խնդիրների վերաբերյալ համապատասխան առաջարկություններ տալու համար: Ընդունելության օրը տեղեկանքները ներկայացվում են կոմիտեի նախագահին։
- 8․ Կոմիտեի նախագահի մոտ քաղաքացիների ընդունելությանը կարող են մասնակցել․ անհրաժեշտության դեպքում բաժնի ներկայացուցիչը, կոմիտեի նախագահի տեղակալները, խորհրդականը, գլխավոր քարտուղարը, համապատասխան կառուցվածքային ստորաբաժանման ղեկավարը:
- 9․ Բաժինը վարում է տեղեկանքների հաշվառում:
- 10․ Բաժինը կոմիտեի նախագահի մոտ քաղաքացիների ընդունելությունից հետո կոմիտեի գլխավոր քարտուղարին է ներկայացնում տեղեկանք ընդունելության վերաբերյալ՝ նշելով մասնակիցների տվյալները, բարձրացված խնդիրը և առաջարկված լուծումը:
- 11․ Ընդունելություն անցկացնող յուրաքանչյուր պաշտոնատար անձ (ստորաբաժանման ղեկավար) կոմիտեի գլխավոր քարտուղարին և բաժին է ներկայացնում տեղեկանք ընդունելության վերաբերյալ՝ նշելով մասնակիցների տվյալները, բարձրացված խնդիրը և առաջարկված լուծումը:
Սեղմիր տեսնելու համար այցելության օրերն ու ժամերը
