ՀՀ միջուկային անվտանգության կարգավորման կոմիտե
Հանրային բաց զեկույց-քննարկում ՀՊՏՀ Գյումրու մասնաճյուղում
08Ապր’25
ՀՊՏՀ Գյումրու մասնաճյուղում 2025 թվականի ապրիլի 8-ին անցկացվեց հետազոտական աշխատանքի հանրային բաց զեկույց-քննարկում՝ «ՀՀ սեյսմաբանական դիտարկումների համակարգի կառավարման արդյունավետության գնահատումը արհեստական բանականության գործիքներով (1991-2024 թթ․)» թեմայով:
Հանդիպման ընթացքում հետազոտական թիմի ղեկավար, մասնաճյուղի տնօրենի խորհրական, ֆիզ․մաթ․ գիտ․ դոկտոր, պրոֆեսոր Ա․ Ավետիսյանը ներկայացրեց հետազոտական աշխատանքի հիմնական արդյունքները:
Հանդիպմանը ներկա էին ՀՀ ՆԳՆ «Սեյսմիկ պաշտպանության տարածքային ծառայություն» ՊՈԱԿ գլխավոր փորձագետ Ս․ Նազարեթյանը, հյուսիսային տարածաշրջանային կենտրոնի Սեյսմոլոգիայի բաժնի առաջատար մասնագետ Գ․ Աբգարյանը, ՀՀ Միջուկային անվտանգության կարգավորման կոմիտեի ռեակտորի անվտանգության վարչության սեյսմիկ անվանգության գլխավոր պետական տեսուչ Խ․ Կիրակոսյանը, ինչպես նաև ոլորտի այլ առաջատար մասնագետներ, ովքեր կիսվեցին իրենց գիտական դիտարկումներով և առաջարկներով:
Հանդիպումը անցավ հարց ու պատասխանի մթնոլորտում, ինչը հնարավորություն ընձեռեց բացահայտվել ոլորտում առկա խնդիրներն ու բացթողումները, ինչպես նաև ներկայացնել լուծման հնարավոր ուղիներ, որոնք հետագայում համապատասխանաբար կներկայացվեն ոլորտի պատասխանատու մարմիններին:
