2025 թվականի հունիսի 23-ից 25-ը ՀՀ միջուկային անվտանգության կարգավորման կոմիտեի և «Միջուկային և ռադիացիոն անվտանգության կարգավորման կենտրոն» ՓԲԸ-ի ներկայացուցիչները՝ Եվրոպական միության կողմից ֆինանսավորվող INSC/2024/436-156 «Միջուկային անվտանգության կարգավորման համագործակցություն Հայաստանի կարգավորող մարմնի հետ A3.01/20» ծրագրի շրջանակում, այցելել են Ֆինլանդիայի միջուկային և ճառագայթային անվտանգության կարգավորման կոմիտե STUK – Säteyliturvakeskus։

 Այցի ընթացքում երկու կարգավորող մարմինների համար քննարրկվել են մի քանի արդիական թեմաներ․

— Միջուկային օրենսդրության և կարգավորող շրջանակների բարեփոխում

— Նոր ատոմակայանների վերահսկողության պատրաստվածություն

— Միջուկային նյութերի պաշտպանության միջոցառումներ

— Շրջակա միջավայրի ճառագայթային մոնիթորինգ

— Ռադիացիոն չափումների լաբորատոր կարողությունների բարելավում

Ռադիոկատիվ թափոնների կառավարման, շրջակա միջավայրի մշտադիտարկման, նոր միջուկային էներգաբլոկների կառուցման լիցենզավորման ոլորտներում Ֆինլանդիայի փորձի ուսումնասիրությունը խթան կհանդիսանա Հայաստանում ոլորտների կարգավորումների զարգացմանը։